ڈیلی میل میں اتوار کو شائع ایک رپورٹ کے مطابق ملکہ کو ویکسین کے معاملے میں خصوصی ترجیح نہیں دی جائے گی اور انھیں ویکسین کے لیے اپنی باری کا انتظار کرنا ہوگا۔
اخبار نے صحت عامہ کے ماہرین کے حوالے سے لکھا کہ ملکہ اور ان کے شوہر کو ویکسین لگنے سے اس بابت غلط فہمیوں کے ازالے میں مدد ملے گی۔
برطانیہ نے بدھ کے روز امریکی فارماسیوٹیکل فائزر اور جرمن فرم بایونٹیک کی جانب سے بنائی گئی ویکسین کے ہنگامی استعمال کو منظوری دے دی۔ ایسا کرنے والا برطانیہ دنیا کا پہلا ملک بن گیا۔