سرچ انجن گوگل پر یوروپی یونین کی جانب سے ڈیڑھ ارب ڈالر کا جرمانہ عائد کیا گیا ہے۔
یورپی یونین ریگولیٹرز کی کمشنر مارگیرٹی ویسٹیگر نے کہا کہ گوگل نے آن لائن تشہیر میں دیگر ویب سائٹس کو روکنے اور اپنی بالادستی برقرار رکھنے کے لئے ایڈ سینس پلیٹ فارم کے علاوہ بروکرز کا بھی استعمال کیا۔
کمشنر مارگیرٹی ویسٹیگر نے گوگل ایڈسینس کے ذریعے آن لائن تشہیری بزنس کے خلاف چلنے والے طویل تحقیقات کے نتائج پیش کرتے ہوئے تیسری مرتبہ جرمانے کا اعلان کیا۔
واضح رہے کہ دو سال میں یورپی یونین کی جانب سے گوگل پر کیا جانے والا یہ تیسرا جرمانہ ہے۔
گوگل پر کیا جانے والا جرمانہ پاکستانی روپے کے مطابق دو سو آٹھ ارب روپے بنتا ہے۔
