انہوں نے کہا کہ برطانیہ کورونا وائرس جنگ جیت جائے گا اور اچھے دن واپس جلد واپس آئیں گے۔ 93 برس کی ملکہ نے اپنے خطاب میں کہا 'مجھے معلوم ہے کہ میں اس مشکل دور میں آپ سب سے بات کر رہی ہوں‘۔
انہوں نے کہا 'میں امید کرتی ہوں کہ آنے والے برسوں میں ہم اس بات پر فخر کریں گے کہ ہم نے کس طرح کورونا وائرس کو ساتھ مل کر شکست دی۔
اس کے بعد جو نسل آئے گی وہ ہمارے بارے میں کہے گی کہ ہم کتنے مضبوط تھے، نظم و ضبط کی خصوصیات سے مالا مال لالچ و مفادات سے دور اور یکجہتی اب بھی اس ملک کی خصوصیات ہیں'۔
ملکہ نے مزید کہا 'ہم جلد ہی اپنے دوستوں اور خاندان کے ساتھ ہوں گے اور ہم ایک بار پھر جلد ملیں گے، الگ تھلگ رہنا کئی بارکافی مشکل ہوتا ہے'۔
قابل غور ہے کہ برطانیہ کورونا وائرس سے بہت زیادہ متاثر ہے اور یہاں کے وزیر اعظم بورس جانسن بھی اس سے متاثر ہو چکے ہیں۔