جرمنی میں کورونا متاثرین کی تعداد 1.85 لاکھ سے تجاوز

جرمنی میں عالمی وبا کورونا وائرس تیزی سے پھیل رہا ہے اور اب تک اس وبائی مرض نے ایک لاکھ پچاسی ہزار سے زیادہ افراد کو متاثر کیا ہے۔

جرمنی میں گزشتہ 24 گھنٹوں میں کورونا وائرس کے نئے معاملے سامنے آنے کے بعد مجموعی طور معاملوں کی تعداد بڑھ کر 1,85,416 ہوگئی ہے۔

رابرٹ کوچ انسٹی ٹیوٹ نے جمعرات کو اپنی رپورٹ میں یہ اطلاع دی۔ اسی مدت میں کورونا انفیکشن سے 26 اورلوگوں کے موت کے ساتھ مجموعی طور سے مرنے والوں کی تعداد بڑھ کر 8755 ہوگئی ہے۔

رپورٹ کے مطابق جرمنی میں کورونا انفیکشن کی زد میں آئے 1.71 لاکھ لوگ اس بیماری سے صحت یاب ہو چکے ہیں۔

قابل ذکر ہے کہ دنیا بھر میں کوروناوائرس سے متاثرہ افراد کی تعداد 70لاکھ سے تجاوز کر گئی ہے جبکہ اس وبائی مرض سے فوت ہونے والوں کی تداد چار لاکھ سے تجاوز کر گئی ہے۔