نیوزی لینڈ میں آئندہ برس کورونا ٹیکہ کاری کا آغاز ہوگا

نیوزی لینڈ میں کورونا ٹیکہ کو آئندہ برس دوسری سہ ماہی میں صف اول کے ملازمین کو دیے جانے کے آثار ہیں۔ اس کے بعد سال کی دوسری ششماہی میں عوام کے لیے ٹیکہ کاری شروع کی جائے گی۔

نیوزی لینڈ آئندہ برس دوسری ششماہی میں کورونا وائرس کے خلاف بڑے پیمانے پر ٹیکہ کاری شروع کرے گا۔

نیوزی لینڈ حکومت کی جانب سے جاری بیان میں کہا گیا ہے کہ ’اولین ترجیح صف اول کے کارکنان اور ضروری خدمات والے ملازمین کی ٹیکہ کاری کرنی ہوگی جو کووڈ 19 سے سب سے زیادہ خطرے کی زد میں ہیں۔ ٹیکے کو آئندہ برس دوسری سہ ماہی میں صف اول کے ملازمین کو دیے جانے کے آثار ہیں۔ اس کے بعد سال کی دوسری ششماہی میں عوام کے لیے ٹیکہ کاری شروع کی جائے گی۔

حکومت نے ملک کے لیے ایکسٹرازینیکا اور نوواویکس کے ساتھ بالترتیب 76 لاکھ اور 1.72 کروڑ کورونا ٹیکہ دستیاب کرائے جانے کے معاہدے پر دستخط کیے ہیں۔ اس سے قبل حکومت فائزر اور بائیواینٹیک کے ذریعہ تیار کردہ ٹیکوں کو خریدنے کے لیے معاہدے پر دستخط کیے تھے۔

نیوزی لینڈ میں کورونا انفیکشن کے 2100 معاملے ہیں اور 25 کورونا مریضوں کی موت ہوچکی ہے۔