یوکرین میں فوجی طیارہ حادثہ، 25 افراد ہلاک

حادثے کی وجوہات کا پتہ لگانے کے لیے تحقیقات شروع کردی گئی ہے۔

شمال مشرقی یوکرین میں ایک شاہراہ کے قریب فضائیہ کے افسران پر مشتمل ایک فوجی ٹرانسپورٹ طیارہ گر کر تباہ ہوگیا۔ اس حادثہ میں کم از کم 25 افراد ہلاک ہونے کی اطلاع ہے۔

مسلح افواج کے جنرل اسٹاف رسلن کھومچک نے ایک بیان میں کہا ہےکہ 'انٹونو این 26 طیارہ تربیتی مشق کے دوران لینڈنگ کررہا تھا کہ اچانک توازن بگڑنے کی وجہ سے گر کر تباہ ہوگیا'۔

نائب وزیر داخلہ انتون گیراشینکو نے فضائیہ کی جانب سے اس کا ویڈیو نشر کیا۔ جس میں طیارے کو سڑک کے قریب پڑا ہوا دیکھا جاسکتا ہے۔ جس سے آگ کے شعلے بھڑک رہے ہیں۔

حادثے کی وجوہات کا پتہ لگانے کے لیے تحقیقات شروع کردی گئی ہے۔

مقامی علاقہ کے گورنر اولکسی کوچر نے بتایا کہ 'ایک پائلٹ نے حادثہ سے قبلل جہاز کے انجن میں ناکامی کی اطلاع دی تھی۔

ابتدائی معلومات کا حوالہ دیتے ہوئے کوچر نے بتایا کہ جہاز میں سوار کچھ افراد اس وقت طیارے سے چھلانگ لگانے میں کامیاب ہوگئے جب وہ کم بلندی پر تھا۔

مزید تفصیلات کا انتظار ہے۔