جاپان کے وزیر اعظم اپنے عہدے سے استعفیٰ دیں گے؟

جاپان کا قومی نشریاتی ادارہ (این ایچ کے) ورلڈ نے جمعرات کو رپورٹ کیا کہ جاپانی وزیر اعظم شنزو آبے اپنے عہدے سے سبکدوش ہونے والے ہیں۔

ذرائع کے مطابق این ایچ کے ورلڈ نے کہا کہ وزیر اعظم صحت کی وجوہ کی بنا پر استعفیٰ دے رہے ہیں۔ اس تعلق سے آج وہ پرس کانفرنس کریں گے۔

انہوں نے گزشتہ دو ہفتوں میں دو بار اسپتال کا دورہ کیا تھا اور یہ قیاس آرائیاں پیدا کی تھیں کہ ان کی صحت خراب ہو رہی ہے۔

انہوں نے مزید بتایا کہ اگلے ماہ آبے 66 برس کے ہونے والے ہیں اور اس سے قبل ہی وہ اپنے عہدے سے استعفیٰ دے رہے ہیں۔

اس سے پہلے وہ کسی بیماری کی وجہ سے 2007 میں سبکدوش ہوگئے تھے۔ صحتیاب ہونے کے بعد 2012 میں انہوں نے اپنا عہدہ دوبارہ سنبھال لیا تھا۔