ہیتی کے عبوری رہنما کی حلف برداری کی تقریب ملتوی

ہیتی کے صدر جووینل موسے کے قتل کے بعد ان کی جگہ پر عبوری لیڈر کے طور پر نامزد کئے گئے سینیٹ کے صدر جوزف لیمبرٹ کی حلف برداری کی تقریب ملتوی کردی گئی۔

لیمبرٹ نے ٹویٹ کیا”سینیٹ کے ممبران نے حلف برداری کی تقریب ملتوی کرنے کا فیصلہ کیا ہے اور وہ سبھی اس پروگرام میں بڑھ چڑھ کر حصہ لینا چاہتے ہیں کیونکہ اس وقت ملک کے عوام میں مثبت امید برقرار رکھنا نہایت ہی ضروری ہے۔“
جمعہ کے روز سینیٹ کے اراکین نے مسٹر لیمبرٹ کو صدر کے قتل کے بعد عبوری صدر نامزد کیا تھا۔ سینیٹ کا کہنا ہے کہ وہ پارلیمنٹ میں آئینی حلف لیں گے اور پھر نئی حکومت بنانے کے لئے اپنا کام شروع کریں گے۔
دریں اثناء، ہیتی میں متعدد سیاسی جماعتوں نے ایک عرضداشت پر دستخط کئے ہیں کہ اپنے قتل سے قبل مسٹر موسے نے مسٹر ایریل ہینری کو وزیر اعظم مقرر کیا تھا اور اب انہیں قومی اتحاد کی حکومت کی قیادت کرنی چاہئے۔
پولیس کے مطابق 29 کولمبیائی باشندوں اور دو امریکیوں نے بدھ کے روز صدر موسے کو ان کے گھر پر گولی مار کر ہلاک کردیاتھا اور اب تک 17 کولمبیائی اور دو امریکی گرفتار کئے جاچکے ہیں۔

یو این آئی