یونان کے جزیرہ لزبوس کی صورتحال

یونان کے جزیرہ لزبوس پر پناہ گزیں کھلے آسمان کے نیچے رہنے کو مجبور ہو گئے ہیں۔ انہیں نئے کیمپ میں منتقل کرنے کی تیاری کی جا رہی ہے۔

یونانی جزیرے لزبوس پر یونانی پولیس کی جانب سے آپریشن جاری ہے۔ اس دوران ہزاروں تارکین وطن اور پناہ گزینوں کو منتقل کیا گیا ہے۔

گنجان آبادی والے لزبوس جزیرے کے موریہ کیمپ میں گذشتہ دنوں آگ لگنے سے ہزاروں پناہ گزیں بے گھر ہو گئے ہیں۔

پولیس نے بتایا کہ جمعرات کی کارروائی میں 70 خواتین پولیس افسران شامل ہیں، جو کارا ٹیپے علاقے میں واقع نئے کیمپ میں منتقل کرنے کے لئے پناہ گزینوں کو راضی کرنے جا رہی ہیں۔

خیال رہے کہ دنیا بھر میں معروف 'موریا کیمپ' گذشتہ ہفتے آگ میں جل کر راکھ ہوگیا تھا، جس کے بعد ہزاروں مہاجرین بے گھر ہو گئے ہیں اور اب بھی کھلے آسمان کے نیچے اور سڑکوں پر لوگ وقت گذار رہے ہیں۔

افغانستان کے 6 باشندوں کو موریہ کیمپ میں آتشزدگی سے متعلق گرفتار کیا گیا ہے، جن میں 2 نابالغ بھی شامل ہیں۔