جرمنی ميں پابنديوں کی مخالفت ميں احتجاجی مظاہرے

غلط خبروں، سازشی نظریات، الزامات اور ديگر غير مصدقہ معلومات کے باعث پھوٹنے والے يہ مظاہرے ميونخ، برلن، ڈورٹمنڈ اور ديگر کئی شہروں ميں نکالے جا رہے ہيں۔

دنيا بھر ميں کورونا وائرس کے متاثرين کی تعداد آج بروز ہفتہ پينتاليس لاکھ سے تجاوز کر گئی ہے۔ 306,001 افراد اس بيماری کے باعث ہلاک بھی ہو چکے ہيں۔

امريکہ قريب ساڑھے چودہ لاکھ متاثرين اور قريب87 ہزار اموات کے ساتھ بدستور سب سے زيادہ متاثرہ ملک ہے۔ پچھلے سال کے اختتام پر چين سے شروع ہونے والا يہ انفيکشن اب 210 ملکوں ميں رپورٹ ہو چکا ہے۔

دریں اثنا جرمنی کے کئی بڑے شہروں ميں آج بروز ہفتہ کو کووڈ انيس کی وبا کے باعث عائد کردہ پابنديوں کی مخالفت ميں احتجاجی مظاہرے کيے جا رہے ہيں۔

غلط خبروں، سازشی نظریات، الزامات اور ديگر غير مصدقہ معلومات کے باعث پھوٹنے والے يہ مظاہرے ميونخ، برلن، ڈورٹمنڈ اور ديگر کئی شہروں ميں نکالے جا رہے ہيں۔

اسٹٹ گارٹ ميں منتظمين پانچ ہزار افراد کی شرکت کی توقع کر رہے ہيں۔ ايسے مظاہروں ميں ويکسين مہم کے مخالفت کرنے والے اور انتہائی دائيں بازو کے سياسی نظريات کے حامل افراد نماياں ہيں۔