شمالی ایتھوپیا میں سڑک حادثہ،13 افراد ہلاک

ایتھوپیا کی شمالی ریاست امہارا میں سڑک حادثے میں 13 لوگوں کی موت ہوگئی ہے۔ مقامی انتظامیہ نے پیر کو اس کی اطلاع دی۔

امہارا ریاست کے مقامی مواصلاتی افسر گواگوا شیکوداد نے بیان جاری کرکے کہا کہ پیر کی صبح سامان سے بھرے ٹرک کی ٹکر،دوسری سمت سے آنے والی ایک بس سے ہوگئی ،جس میں 13افراد کی موت ہوگئی۔

اس حادثے میں کئی لوگ زخمی ہوئے ہیں جنہیں پاس کے ہسپتال میں علاج کےلئے داخل کرایاگیا ہے۔واضح رہے کہ ایتھوپیا میں خراب سڑکیں،لاپرواہی سے گاڑی چلانے اور دیگر وجوہات کی وجہ سے اکثر سڑک حادثے ہوتے رہتے ہیں۔