عالمی ادارہ صحت نے ووہان کے لوگوں کی تعریف کی

عالمی ادارہ صحت ڈبلیو ایچ او نے کورونا وائرس سے بے حال چین کے ووہان شہر کے سبھی لوگوں کے جذبے کی تعریف کرتے ہوئے ان کے تئیں شکریہ اور تعزیت کا اظہار کیا ہے۔

ڈبلیو ایچ او کے ڈائریکٹر جنرل ڈاکٹر ٹیڈراس ایڈرینام گیبرئیسس نے ایک پریس کانفرنس میں کہا 'ووہان کے لوگ بہت کچھ جھیل رہے ہیں۔ وہ سب سے پہلے کورونا وائرس پھیلنے سے روکنے میں ان کے تعاون کےلئے ان کی ستائش کرتے ہیں اور شکریہ ادا کرتے ہیں'۔

واضح رہے کہ کورونا وائرس کا پہلا معاملہ چین کے ہوبئی صوبے میں ووہان میں سامنے آیاتھا۔ 23 جنوری سے ملک کے باقی علاقوں سے اس کا رابطہ کاٹ دیا گیا ہے تاکہ یہاں سے دیگر مقامات پر وائرس پھیلنےسے روکا جاسکے۔

مسٹر ٹیڈراس نے کہا 'انسانیت کے لئے ایسے کام کی ستائش الفاظ سے نہیں کی جاسکتی۔ وہ اس کےلئے پرعزم ہیں اور وہ جو کررہے ہیں اس پر فخر کرتا ہوں'۔

انہوں نے کہا 'وہ بیجنگ میں تھے اور ان کی خواہش ووہان جانے کی تھی لیکن وہ وہاں کے لوگوں کو یقین دلانا چاہتے ہیں کہ جلد ہی ایک دن ان کے پاس جائیں گے۔ میرا حوصلہ ان کے اور اس جان لیوا وائرس سے لڑرہے دیگر لوگوں کے ساتھ ہے'۔