ایران پر امریکی پابندیوں کی چین نے مخالفت کی

چین نے ایران کے خلاف امریکہ کی غیر قانونی اور یک طرفہ پابندیوں کی شدید مخالفت کی ہے۔

چین کی وزارت خارجہ کے ترجمان گینگ شوانگ نے کہا ایران سمیت بین الاقوامی برادری کے ساتھ چین کی اقتصادی اور تجارتی تعلقات بین الاقوامی قوانین کے دائرے میں ہیں۔
انہوں نے کہا کہ ایران کے ساتھ چین کے عمومی تعلقات منطقی اور قانونی ہیں اور ان کا احترام کیا جانا چاہیے۔
یہ پوچھے جانے پر کہ کیا چین خلیج فارس اور آبنائے ہرمز کے تحفظ کے لئے امریکی اتحاد میں شامل ہو گا، تو ترجمان نے کہا، "ایک نظریاتی جواب کے طور پر (فارس) خلیج کے ساحلی علاقے بین الاقوامی توانائی کی فراہمی اور عالمی سیکورٹی اور استحکام کے لئے بہت اہمیت رکھتا ہے‘‘۔
انہوں نے کہا’’ہمیں امید ہے کہ متعلقہ فریق امن و امان قائم اور تحمل برتیں گے، کشیدگی کو روکنے کے لئے ٹھوس اقدامات کریں گے اور مشترکہ طور پر اس علاقے میں امن اور استحکام کو برقرار رکھیں گے‘‘۔