ترکی کا آذربائیجان کو مکمل حمایت کا اعلان

آذربائیجان اور آرمینیا کے درمیان جھڑپوں کا سلسلہ جاری ہے، جن میں اب تک 84 ہلاک اور دو سے زائد افراد زخمی ہوچکے ہیں۔

آذربائیجان اور آرمینیا کے سرحدی علاقے نگورنو کاراباخ میں دونوں ممالک کے مابین جھڑپیں ہوئی ہیں جن میں فضائی حملوں، میزائلوں اور بھاری ہتھیاروں کا استعمال کیا جارہا ہے۔

مختلف ممالک نے جنگ بندی پر زور دیا ہے جبکہ جھڑپوں میں عام لوگوں کی ہلاکت کی بھی اطلاع ہے۔ صورتحال پر غور و خوص کےلیے سلامتی کونسل کا بندکمرا اجلاس منعقد ہونے کا امکان ہے۔

ترک صدر رجب طیب اردوگان نے آرمینیا کے ساتھ جاری کشیدی میں آذر بائیجان کی مکمل حمایت کا اعلان کرتے ہوئے کہا کہ دنیا کو جارحیت کا نشانہ بننے والے ملک کے ساتھ کھڑا ہونا چاہیے۔ ترک صدر نے آذر بائیجان کے صدر الہام علیوف سے فون پر بات کرتے ہوئے انہیں مکمل حمایت کا یقین دلایا۔