پی ٹی آئی کے خلاف جدوجہد 'جہاد' ہے: پی ڈی ایم

پاکستان مسلم لیگ نواز کی نائب صدر مریم نواز نے کہا کہ ’اگر میں عوام سے اسلام آباد کی طرف مارچ کرنے کو کہوں تو کیا ہوگا؟ ایسی صورتحال میں کٹھ پتلی وزیر اعظم عمران خان کو چھپنے کی کوئی جگہ نہیں مل پائے گی'۔

اپوزیشن اتحاد پاکستان ڈیموکریٹک موومنٹ (پی ڈی ایم) نے عمران خان کی زیر قیادت پاکستان تحریک انصاف پارٹی حکومت کے خلاف اپنی مہم کو 'جہاد' قرار دیتے ہوئے کہا ہے کہ اس سے دستبرداری ایک 'بہت بڑا گناہ' ہوگا۔

پی ڈی ایم کے صدر مولانا فضل الرحمن

دس اپوزیشن پارٹیوں کے اتحاد کی اتوار کی شام بہاولپور میں ہوئی ایک ریلی میں رہنماؤں نے اس ضمن میں اظہار خیال کیا۔ اس ریلی میں پی ڈی ایم کے صدر مولانا فضل الرحمن، پاکستان مسلم لیگ نواز کی نائب صدر مریم نواز، پاکستان پیپلز پارٹی (پی پی پی) کے رہنما یوسف رضا گیلانی اور دیگر رہنماؤں نے عمران حکومت کو خاص طور پر اس کی معاشی کارکردگی کو جم کر نشانہ بنایا۔

محترمہ نواز نے پی ڈی ایم کے لیے لوگوں کو ملنے والی حمایت پر اطمینان کا اظہار کیا۔ انہوں نے کہا کہ ’اگر میں ان لوگوں سے اسلام آباد کی طرف مارچ کرنے کو کہوں تو کیا ہوگا؟ ایسی صورتحال میں کٹھ پتلی وزیر اعظم کو چھپنے کی کوئی جگہ نہیں مل پائے گی'۔

پاکستان مسلم لیگ نواز کی نائب صدر مریم نواز

مسٹر گیلانی نے پی ڈی ایم کے شو کو فلاپ کہنے سے پہلے بہاولپور میں 'لوگوں کے سمندر' کو دیکھنے کا چیلنج دیا۔

قبل ازیں، مولانا رحمان نے پی ڈی ایم کے اندر پائی جانے والی درار کے بارے میں کسی قیاس آرائی کو صاف طور پر مسترد کر دیا ہے۔

میڈیا رپورٹ کے مطابق، مولانا رحمان نے کہا کہ ’حکمت عملی میں تبدیلی کا مطلب یہ نہیں ہے کہ وہ اپنے موقف سے ہٹ گئے ہیں۔ میڈیا پی ڈی ایم کے اتحادیوں کے درمیان اتحاد کے سلسلے میں قیاس آرائیاں کرکے عوام کو گمراہ کر رہا ہے۔ پی ڈی ایم برقرار ہے اور ہمارے موقف میں کوئی تبدیلی نہیں ہوئی ہے۔ جب بھی حکمت عملی میں کوئی تبدیلی آتی ہے، میڈیا اسے پیش کرتا ہے کہ جیسے پی ڈی ایم کے اسٹینڈ میں کوئی تبدیلی آرہی ہو'۔