افغانستان: بم دھماکے میں 10 طالبان شدت پسند ہلاک

طالبان کمانڈر ملا منصور سمیت 10 شدت پسند ہلاک اور متعدد دیگر زخمی ہوئے ہیں۔

افغانستان میں مشرقی صوبہ وردک کے ضلع میرداد میں شدت پسندوں کے ایک ٹھکانے پر بم دھماکے میں کم از کم 10 شدت پسند ہلاک ہوگئے۔

منگل کے روز فوج نے ایک بیان جاری کر کے بتایا کہ یہ واقعہ پیر کے روز پیش آیا۔ بیان کے مطابق یہ دھماکہ گزشتہ شام دادو خیل گاؤں میں واقع طالبان کے ٹھکانے پر ہوا جس میں طالبان کمانڈر ملا منصور سمیت 10 شدت پسند ہلاک اور متعدد دیگر زخمی ہوگئے۔

طالبان نے ابھی تک اس واقعے پر کوئی رد عمل ظاہر نہیں کیا ہے۔

صوبائی گورنر سید واحد نے کہا کہ اتوار کے روز صوبہ ہرات کے ضلع پستون جارگھون میں واقع ایک مسجد کے اندر اسی طرح کے بم دھماکے میں 20 افراد ہلاک اور زخمی ہوئے تھے۔

(یو این آئی)