طالبان نے بھارت کا گفٹ کیا گیا ایم آئی 35 ہیلی کاپٹر اپنے قبضے میں لے لیا

سوشل میڈیا پر ایک ویڈیو وائرل ہو رہی ہے جس میں بتایا گیا ہے کہ طالبان نے قندوز ایئر بیس پر ایک ایم آئی 35 ہیلی کاپٹر کو قبضے میں لے لیا ہے۔ مبینہ طور پر افغان نیشنل ڈیفنس فورسز سے طالبان کے قبضے میں لیا گیا ہیلی کاپٹر ممکنہ طور پر ان ہیلی کاپٹروں میں سے ایک ہو سکتا ہے جو بھارت نے افغانستان کو چند سال قبل تحفے میں دیے تھے۔

بھارت نے اپنی صلاحیت کو مظبوط کرنے کے لیے چار تجدید شدہ ہیلی کاپٹر افغانستان کو تحفے میں دیے تھے۔ وہیں بھارتی دفاعی افواج نے اس معاملے پر تبصرہ کرنے سے انکار کرتے ہوئے کہا کہ وہ افغانستان کے اندرونی معاملات پر تبصرہ نہیں کرنا چاہتے۔

قندوز ایئر فیلڈ کی ویڈیو سے پتہ معلوم ہوتا ہے کہ ہیلی کاپٹر شاید ناکارہ ہو چکا ہے کیونکہ یہ بغیر روٹرز کے تھا۔ ذرائع نے بتایا کہ طالبان کے قبضے میں لیا گیا ہیلی کاپٹر کا سیریل نمبر 123 ہے جو کہ بھارت کی طرف سے تحفے میں دیے گئے ہیلی کاپٹروں سے ملتا جلتا ہے۔

یہ چار گن شپ 2016 میں پٹھان کوٹ ائیر بیس پر موجود تھے، جب عسکریت پسندوں نے وہاں حملہ کیا اور وہ وہاں موجود دوسرے لڑاکا طیاروں کے ساتھ اس کو بھی اپنے قبضے میں لے لیا۔ ملک سے امریکی فوجیوں کے انخلا کے بعد طالبان افغان فورسز کے خلاف پیش قدمی کر رہے ہیں۔