وسطی چین میں حکام نے ملک بھر میں بڑے پیمانے پر سیلاب کو کم کرنے کی کوشش کے تحت پانی کو خارج کرنے کے لئے ندی کا ڈیم کھول دیا۔
چین کی سرکاری میڈیا سی سی ٹی وی نے بتایا ہے کہ صوبے آنہوئی میں سیلاب بڑھنے کے بعد دریائے حوثی ڈیم کو کھول دیا گیا۔
سی سی ٹی وی نے بتایا کہ اتوار کی شام 2 ہزار سے زائد افراد کو ان کے گھروں سے باہر نکالا گیا ہے۔
پانی کی سطح کو کم کرنے کے لئے کچھ دیگر ندیوں کے ڈیم اور پشتے تباہ کر دیے گئے۔ اس طرح اتوار کی صبح دریائے چوہی کے راستے کو دھماکہ خیز مواد سے اڑا دیا گیا، جس کے بعد پانی کی سطح میں 70 سینٹی میٹر تک کم ہونے کی امید کی جا رہی ہے۔
رواں برس زبردست بارش کے نتیجے میں متعدد دریاؤں میں پانی کی سطح میں غیر معمولی حد تک اضافہ ہو گیا ہے۔
پانی کو خارج کرنے کے لئے ڈیموں اور پشتوں کو دھماکے سے اڑانے کا عمل انتہائی بدترین حالات میں کیا جاتا ہے۔ اس سے قبل سنہ 1998 میں زبردست سیلاب کی وجہ سے یہ عمل انجام دیا گیا تھا، جس میں 2000 سے زائد افراد ہلاک اور 3 لاکھ گھر تباہ ہوئے تھے۔
وزارت ایمرجنسی مینجمنٹ کے مطابق تقریبا 1. 18 لاکھ افراد کو محفوظ مقام تک پہنچایا گیا ہے اور سیلاب سے ہونے والے براہ راست نقصان کا تخمینہ 49 ارب یوآن (7 بلین امریکی ڈالر) لگایا گیا ہے۔