پاکستانی وزیر اعظم عمران خان سعودی عرب کے جدہ شہر سے اسلام آباد کے لئے روانہ ہو گئے۔
وزیر اعظم کے دفتر کے ایک اہلکار اطلاع دی کہ مسٹر خان اقوام متحدہ کی جنرل اسمبلی کے 74 ویں اجلاس میں شرکت کے بعد ہفتہ کو سعودی طیارے سے نیویارک سے جدہ پہنچے اور آج وہ اسلام آباد کے لئے روانہ ہو چکے ہیں۔
پاکستان تحریک انصاف کے لیڈر جہانگیر خان ترين نے مسٹر خان کے آج شام پانچ بجے اسلام آباد ہوائی اڈے پر پہنچنے پر ملک کے لوگوں سے ان کا استقبال ایک 'ہیرو' کے طور پر کرنے کی اپیل کی ہے۔
جہانگیر خان ترين نے ٹوئٹر پر لکہا کہ وزیر اعظم عمران خان کشمیر مسئلے پر ایک حقیقی ہیرو کی طرح لڑے۔
اقوام متحدہ کی جنرل اسمبلی میں ان کی تقریر سے عالمی سطح پر پاکستان کی تصویر کو تبدیل کرنے میں مدد ملی ہے'۔
اس سے قبل جولائی میں امریکی دورہ مکمل کرکے اسلام آباد واپس لوٹنے کے بعد ان کی پارٹی کے سینئر رہنماؤں اور کارکنوں نے مسٹر خان کا نعروں کے ساتھ شاندار استقبال کیا تھا۔
پاکستان روانگی کے دوران وزیر اعظم عمران خان کے خصوصی طیارے میں تکنیکی خرابی آگئی تھی، جس کے سبب انہیں واپس نیویارک لوٹنا پڑا تھا۔
