افغانستان کے دارالحکومت کابل میں دو بم دھماکوں میں ایک ہلاک اور چھ زخمی ہوگئے۔
طالبان کے ایک افسر کا کہنا ہے کہ پہلے مغربی کابل میں شیعہ محلے میں ایک منی وین کو دھماکے سے نشانہ بنایا گیا، جس میں ایک شہری ہلاک اور تین دیگر زخمی ہوئے۔ جبکہ دوسرا دھماکہ پی ڈی تھری کے ایریا میں ہوا جس میں متعدد افراد زخمی ہوگئے۔
کابل: دو بم دھماکوں میں ایک شخص ہلاک، متعدد افراد زخمی
طالبان کی زیر قیادت حکومت میں ثقافت اور اطلاعات کے نائب وزیر ذبیح اللہ مجاہد نے ایک ٹیکسٹ میسج پر دی ایسوسی ایٹڈ پریس کو بتایا کہ تحقیقات جاری ہیں۔ انہوں نے تفصیل نہیں بتائی۔
فوری طور پر کسی تنظیم نے ذمہ داری قبول نہیں کی ہے۔