شمالی کوریا کی حکمران ورکرز پارٹی کے لیے کم جونگ ان کو جنرل سکریٹری منتخب کیا گیا ہے۔
کوریا کی سرکاری خبر رساں ایجنسی (کے سی این اے) کے مطابق کوریا کے ورکرز پارٹی کی آٹھویں کانگریس نے پارٹی کی ایگزیکٹو پالیسی کونسل میں بڑی تبدیلیوں کا فیصلہ کیا ہے۔
ان فیصلوں کے بعد پیر کو سپریم لیڈر کم جونگ ان کو پارٹی کا جنرل سکریٹری منتخب کیا ہے۔
اس سے قبل کانگریس نے ایگزیکٹو پالیسی کونسل کو سیکرٹریٹ میں تبدیل کردیا، جس نے 2016 کے اس فیصلے کو کالعدم قرار دیا، جب یہ کونسل تشکیل دی گئی تھی۔
کے سی این اے کے مطابق کانگریس نے اس فیصلے کو متفقہ طور پر منظور کیا۔
شمالی کوریا کے سپریم لیڈر کم جونگ ان مسلح افواج کے سپریم کمانڈر، کورین پیپلز آرمی کے مارش، ڈبلیو پی کے سنٹرل ملٹری کمیشن کے چیئرمین، پارٹی سینٹرل کمیٹی کے پولیٹیکل بیورو کے رکن اور ملک کے سربراہ بھی ہیں۔