عراق کے کردستان میں دوبارہ کرفیو کا نفاذ

گذشتہ 11 مئی کو کردستان خطے میں کورونا کیسز میں کمی کے بعد لاک ڈاون میں نرمی اختیار کی گئی تھی اور ساتھ ہی کردستان کی سرحدیں بھی کھول دی گئی تھیں، لیکن حالیہ اضافے کے سبب دوبارہ کاروباری مراکز کو بند کرنا پڑا ہے۔

عراق کے شمالی علاقے کردستان میں حالیہ دنوں میں کورونا وائرس کے اضافے کے سبب 6 دنوں کے لیے دوبارہ کرفیو نافذ کر دیا گیا ہے۔

کرفیو کا نفاذ یکم جون سے کیا گیا ہے اور یہ 6 جون کی آدھی رات تک جاری رہے گا۔ اس دوران اسپتالوں اور دوا کی دوکانوں کے علاوہ سب کچھ بند ہو رہے گا۔

خیال رہے کہ گذشتہ 11 مئی کو کردستان خطے میں کورونا کیسز میں کمی کے بعد لاک ڈاون میں نرمی اختیار کی گئی تھی اور ساتھ ہی کردستان کی سرحدیں بھی کھول دی گئی تھیں، لیکن حالیہ اضافے کے سبب دوبارہ کاروباری مراکز کو بند کرنا پڑا ہے۔

سلیمانیہ گورنری کے اندر ایک ہی روز میں وائرس کے 102 واقعات درج ہوئے ہیں، جو عراق کے شمالی خطے میں وائرس پھیلنے کے بعد سب سے بڑی تعداد ہے۔

کردستان خطے کے حکام نے 745 کورونا کیسز کی اطلاع دی ہے، جن میں 8 اموات بھی شامل ہیں۔

واضح رہے کہ عراق میں مجموعی طور پر 3 ہزار 964 افراد کورونا سے متاثر ہوئے ہیں۔ ان میں 147 افراد ہلاک ہوئے ہیں۔