اسرائیل میں شدید بیمار افراد کی تعداد بڑھ رہی ہے: نتن یاہو

اگر چہ دنیا بھر میں کورونا متاثرین کی تعداد میں اضافہ ہو رہا ہے، لیکن اسرائیل کو سب سے زیادہ فکر ہے۔ یہی وجہ ہے کہ اسرائیل نے معاشی سرگرمیوں کو درکنار کرتے ہوئے لاک ڈاون کی بات کہی ہے۔

کورونا وائرس کا قہر دنیا بھر میں پھیل رہا ہے، تاہم اسرائیل میں کورونا کے واقعات اور اس کی تباہی کتنی ہے، اس کا انداز وزیر اعظم بنیامین نتن یاہو کے بیان سے لگایا جا سکتا ہے۔

نتن یاہو نے کہا کہ 'کورونا وائرس کی دوسری لہر پوری دنیا کو متاثر کررہی ہے اور وہ ہمیں بھی مار رہی ہے۔ اسرائیل میں شدید بیمار افراد کی تعداد بڑھ رہی ہے اور بدقسمتی سے مرنے والوں کی تعداد بھی'۔

انہوں نے کہا کہ 'گذشتہ دو دنوں میں ہم نے ماہرین سے سنا ہے کہ اگر ہم فوری اور مشکل اقدامات نہیں اٹھاتے ہیں تو ہم اس وبا کے عروج پر ہوں گے'۔

ان کا مزید کہنا ہے کہ 'اسرائیلی باشندوں کی زندگیاں بچانے کے لیے ہمیں ملک گیر سطح پر دو ہفتوں کے لاک ڈاون کی ضرورت ہے'۔