اسرائیلی محققین کووڈ-19 مالیکیولز کی نشاندہی کرنے میں کامیاب

وسطی اسرائیل میں واقع بار ایلن یونیورسٹی کے مطابق محققین نے کورونا وائرس کے مالیکیولز کی نشاندہی کرلی ہے جس سے وائرس سے لڑنے کےلیے تیار کی جارہی ویکسن کی تیاری میں مدد ملے گی۔

ایم ڈی پی آئی جریدے میں شائع تحقیق میں بتایا گیا کہ بی آئی یوکے محققین نے اینٹیجن مالیکیولز کی جانچ کی ہے جس سے اینٹی باڈی کی تیاری میں مدد ملے گی تاکہ قوت مدافعت میں بہتری لائی جائے سکے۔

محققین کی ٹیم نے وائرس کے پروٹین سیٹ میں امکانی مالیکیولز کے حصوں پر ممکنہ ایپی ٹاپس کی نشاندہی کی ہے جس کے بعد اینٹی باڈی اور مدافعتی ثالثی سیل کی کارکردگی کو بہتر بنانے میں مدد ملے گی۔

تحقیق میں وائرس کے پروٹینی مواد کو ختم کرنے اور وائرس کی جانب سے مدافعتی ردعمل کو اکسانے جیسے معاملات کی نشاندہی کی گئی ہے۔

ٹیم کے مطابق دنیا میں آبادی کا بڑا حصہ اس وبا سے متاثر ہے۔ ٹیم نے مزید کہا کہ تحقیقات کے حوصلہ افزا نتائج برآمد ہوئے ہیں۔