پختہ اطلاعات کی بنیاد پر پاکستان پر کارروائی کی:راج ناتھ

راج ناتھ سنگھ نے گزشتہ روز مدھیہ پردیش کے ضلع بھنڈ کے گوهد میں اس پارلیمانی حلقہ سے بھارتیہ جنتا پارٹی امیدوار سندھیا رائے کی حمایت میں منعقد انتخابی ریلی سے خطاب کرتے ہوئے یہ بات کہی۔

بھارتی وزیر داخلہ راج ناتھ سنگھ نے بالاکوٹ میں کی گئی کاروائی کے بارے میں کہا کہ پاکستان میں جو بھی کارروائی کی ہے، پختہ خفیہ اطلاعات کی بنیاد پر کی ہے۔

انہوں نے کہا کہ سکیورٹی فورسز کے جوانوں کو 2014 میں ہی حکم دے دیا گیا تھا کہ پہلی گولی بھارت کی طرف سے نہیں چلانی، لیکن سرحد پار سے چلی گولی کا معقول جواب دیں۔

ریلی میں تقریبا ایک گھنٹے کی تاخیر سے آنے پر وزیر داخلہ نے لوگوں سے معافی مانگتے ہوئے کہا کہ تکنیکی خرابی کی وجہ سے ہیلی کاپٹر اڑنے میں تاخیر ہوئی۔

مرکزی وزیر نے کہا کہ ملک میں یہ پہلا انتخاب ہے جو مہنگائی کے مسئلے پر نہیں لڑا جا رہا ہے۔