بھارت میں پھنسے پاکستانی شہری وطن واپس

منگل کو ملک بھر میں کورونا وائرس کے سبب نافذ کردہ لاک ڈاؤن کے مابین بھارت میں پھنسے ہوئے تقریبا 200 پاکستانی منگل کو سرحد عبور کرکے وطن واپس جانے میں کامیاب ہوگئے تھے۔

بارڈر سکیورٹی فورسز نے مسافروں کو نجی گاڑیوں میں سامان چھتوں سے باندھ کر اٹاری واہگہ بارڈر عبور کرنے کی اجازت دی۔

جاری لاک ڈاؤن کے بعد پہلی بار اس سرحد کو کھولا گیا اور پاکستانی باشندوں کو ان کے وطن واپس بھیج دیا گیا۔

پاکستان کے دوسرے سب سے بڑے شہر لاہور سے تعلق رکھنے والے 55 سالہ وحید خان نے بتایا کہ وہ اور ان کے گھر کے دیگر پانچ رکن کے ساتھ مارچ میں شمالی ہندوستان کی ریاست اتر پردیش میں رشتہ داروں سے ملنے گئے تھے لیکن اسی دوران وزیر اعظم نریندر مودی کی حکومت نے لاک ڈاؤن کا اعلان کر دیا۔

اس موقع پر خان نے کہا کہ بھارتی حکام نے کافی مدد کی اور بغیر کسی پریشانی نے ویزا میں توسیع کر دی۔

بھارت میں اس وقت لاک ڈاؤن جاری ہے لیکن چند شرائط کے ساتھ کچھ دکانوں کو کھولنے کی اجازت دی گئی ہے۔ اس کے علاوہ ملک کی مختلف ریاستوں میں پھنسے مزدوروں کو بسوں اور ٹرین کے ذریعہ ان کے گھروں تک پہنچایا جا رہا ہے۔