کورونا وائرس سے متاثرین اور ہلاکتوں کی تعداد میں مسلسل اضافہ ہو رہا ہے۔ تا دم تحریر عالمی سطح پر کورونا متاثرین کی تعداد 54 لاکھ 3 ہزار 979 ہو چکی ہے۔
متاثرین میں سے 3 لاکھ 43 ہزار 975 افراد ہلاک ہوئے ہیں، جبکہ 22 لاکھ 47 ہزار 230 افراد مکمل طور پر صحتیاب ہوئے ہیں۔
ہفتہ کے روز ہسپانوی وزارت صحت، صارف امور، اور سماجی بہبود نے تصدیق کی ہے کہ کورونا وائرس کی وجہ سے ہونے والی بیماری میں نئی اموات اور کورونا کے مرض کی تعداد میں کمی واقع ہوئی ہے۔
وزارت نے اطلاع دی ہے کہ جمعہ کی آدھی رات تک چوبیس گھنٹوں میں 48 افراد اپنی زندگی سے محروم ہوگئے۔ اس طرح اسپین میں ہلاکتوں کی مجموعی تعدد 28 ہزار 678 ہو گئی۔
جنوبی کوریا میں اتوار کی آدھی رات کے مقابلے 24 گھنٹے قبل کووڈ 19 کے 25 مزید کیسز رپورٹ ہوئے ہیں، جس سے انفیکشن کی مجموعی تعداد 11،190 ہوگئی۔
یہاں مزید ہلاکتوں کی تصدیق نہیں ہوسکی جس سے ہلاکتوں کی تعداد 266 رہ گئی۔ اموات کی مجموعی شرح 2.38 فیصد رہی۔
واضح رہے کہ اس نئے کورونا وائرس کے سبب مریض کو بخار، کھانسی جیسی معمولی علامتیں ظاہر ہوتی ہیں، تاہم بڑی عمر اور بیمار افراد کے لیے ہلاکت کا شدید خطرہ ہے۔
