سابق وزیر صحت اور عوامی لیگ کے رہنما محمد نسیم کے بیٹے تنویر شکیل جوائے نے آج صبح بتایا کہ تقریبا گیارہ بج کر دس منٹ پر مسٹر نسیم نے آخری سانس لی۔
مسٹر نسیم کی پیدائش دو اپریل 1948 کو ہوئی تھی۔ وہ سال 1999 سے 2001 تک ملک کے وزیر داخلہ رہے۔ اس کے بعد مسٹر نسیم 2014-2019 تک حکومت میں وزیر صحت وخاندانی فلاح وبہبود کے وزیر رہے۔
مسٹر نسیم کی صحت خراب ہونے کے بعد میڈیکل بورڈ کے بارہ اراکین والی ایک کمیٹی کی جمعہ کی رات ویڈیو کانفرنسنگ کے ذریعہ ایمرجنسی میٹنگ ہوئی۔ اس میٹنگ میں ان کے بیٹے بھی موجود تھے۔ مسٹر نسیم دو جون کو کورونا سے متاثر ہوئے تھے۔
اسپتال میں علاج کے دوران دل کا دورہ پڑنے کے بعد پانچ جون کو سابق وزیرصحت کا کامیاب آپریشن ہواتھا۔ ایک دن پہلے مسٹر نسیم کی صحت میں بہتری کے بعد انہیں آئی سی یو سے جنرل وارڈ میں شفٹ کیا جاناتھا۔
بنگلہ دیش کے صدر عبدالحمید، وزیراعظم شیخ حسینہ اور وزیر خارجہ عبدالمؤمن نے مسٹر نسیم کے انتقال پر اپنے گہرے رنج وغم کا اظہار کیا ہے۔