نیتن یاہو کے خلاف مظاہرہ کرنے والے درجنوں افراد گرفتار

تل ابیب میں 13 اور یروشلم میں 15 افراد کو حراست میں لیا گیا ہے۔ پرامن احتجاج رکنے کے بعد، کچھ مظاہرین نے سڑکیں بند کرکے پولیس افسران پر حملہ کرنا شروع کردیا تھا۔ اس دوران کچرے کے ڈبوں کو بھی آگ لگا دی گئی۔

اسرائیلی وزیر اعظم بنجامن نتن یاہو سے استعفے کا مطالبہ کرنے کے سلسلے میں 28 مظاہرین کو پولیس نے گرفتار کیا ہے۔

ہفتے کی رات دیر گئے یروشلم اور تل ابیب کے مابین حکومت مخالف مظاہرے ہوئے، جس میں مسٹر نیتن یاہو کے استعفی کا مطالبہ کیا گیا۔

اس دوران مظاہرین نے سڑکیں بند کردیں۔ اہم بات یہ ہے کہ نتن یاھو کے خلاف بدعنوانی کے مقدمات کی سماعت اتوار کو شروع ہو چکی ہے۔

پولیس ترجمان میخائل جنگر مین نے بتایا کہ تل ابیب میں 13 اور یروشلم میں 15 افراد کو حراست میں لیا گیا ہے۔ انہوں نے کہا کہ پرامن احتجاج رکنے کے بعد ، کچھ مظاہرین نے سڑکیں بند کرکے پولیس افسران پر حملہ کرنا شروع کردیا۔ انہوں نے بتایا کہ اس دوران کچرے کے ڈبوں کو بھی آگ لگا دی گئی۔

ادھر ، یروشلم کی عدالت میں مسٹر نیتن یاھو کا ایک اعلی سطحی بدعنوانی کا کیس چل رہا ہے جس میں تکنیکی کارروائی ختم ہوگئی ہے۔ مسٹر نیتن یاہو پر بدعنوانی ، فراڈ اور اثر و رسوخ کے غلط استعمال کے تین الگ الگ مقدمات میں فرد جرم عائد کیا گیا ہے۔