دی منیلا بلیٹن نے اتوار کے روز فلپائن کی نیشنل پولیس (پی این پی) کے ترجمان کرنل روڈرِک آگسٹس البا کے حوالے سے بتایا کہ وسطی وِسایَس کے علاقے میں سب سے زیادہ 129 اموات ہوئیں، اس کے بعد مغربی وسایس میں 22 اموات ہوئیں ۔
اخبار کے مطابق سمندری رائے طوفان Typhoon Rai in Philippines سے متعلقہ وجوہات کی وجہ سے کاراگا میں 10، شمالی منڈاناؤ میں سات اور زامبوانگا میں ایک شخص ہلاک ہوا۔
دی منیلا بلیٹن نے پیر کو بتایا کہ طوفان کے نتیجے میں اموات کی تعداد 375 ہو گئی ہے۔ 500 افراد زخمی ہیں، جبکہ کم از کم 56 افراد لاپتہ ہیں۔
180800 سے زائد افراد اب بھی مختلف علاقوں میں مقیم ہیں اور بجلی بند ہونے کی اطلاعات ہیں۔
نیشنل ڈیزاسٹر رسک ریڈکشن اینڈ منیجمنٹ کونسل (این ڈی آر آر ایم سی) کے مطابق 16 دسمبر کو فلپائن میں سمندری طوفان رائے کے ٹکرانے کے بعد 332000 سے زائد افراد کو محفوظ مقامات پر منتقل کیا گیا۔
یہ بھی پڑھیں: شمالی فلپائن میں سمندری طوفان کومپاسو سے 30 افراد ہلاک
واضح رہے کہ جمعرات کو فلپائن کے جنوبی اور وسطی صوبے میں 195 کلومیٹر فی گھنٹہ کی رفتار سے آنے والے تباہ کن طوفان Typhoon Rai in Philippines سے تقریباً 780,000 لوگ متاثر ہوئے ہیں۔ جن میں سے تقریباً تین لاکھ افراد کو محفوظ مقامات پر منتقل کر دیا گیا ہے۔