بحرالکاہل میں آئے طوفان نے فجی میں طغیانی کی صورتحال پیدا کی جس کے سبب رہائشیوں کو بچانے کے علاوہ ہزاروں افراد کو محفوظ پناہ گاہوں تک بھیجنا پڑا۔ طوفان کے سبب اب تک ایک شخص ہلاک اور پانچ دیگر لاپتہ ہیں۔
نیشنل ڈیزاسٹر مینجمنٹ دفتر نے اطلاع دی ہے کہ ایک 49 سالہ شخص غرقاب ہو گیا جبکہ چار ماہی گیر اور ایک چھوٹا بچہ لاپتہ ہے۔ آفس ڈائریکٹر واسیٹی سوکو نے کہا کہ سووا کے قریب ایک ندی کے کنارے غیر متوقع طور پر بند ہو گئے جس کے سبب دیہاتیوں کو گھروں سے محفوظ مقامات کی طرف لے جانا پڑا۔
انہوں نے کہا کہ علاقے کے دوسرے اہم جزیرے وانوا لیو میں شدید سیلاب کا خطرہ لاحق ہے کیونکہ ایک اور طوفان گزرنے کے ساتھ ہی مزید بارشیں ہو رہی ہیں۔
فجی کے وزیر اعظم فرینک بنیاماراما نے موسمی تبدیلی (گلوبل وارمنگ) کو مہلک طوفان کا باعث بتایا۔ انہوں نے ٹویٹ کرتے ہوئے لکھا کہ 'اس وقت فجی کے باشندوں کی حفاظت میری اولین ترجیح ہے لیکن عالم انسانیت کو اس معاملے کے تئیں سنجیدہ ہونا ہوگا کہ آخر کار ایسا کیوں ہو رہا ہے۔'
فجی میں آئے 'یاسا' نامی ایک طاقتور طوفان سے ابھی ابھر ہی رہا تھا کہ ایک اور مصیبت سے پالا پڑا۔ یاسا طوفان میں چار افراد ہلاک ہو گئے تھے جبکہ ایک اور شخص کو 'لاپتہ' قرار دیا گیا تھا۔
طوفان کے سبب ملک تیزی سے معمول پر آنے کی کوشش کر رہا ہے، تاہم پیر کو رہائشی گھروں سے باہر تھے، اسکول بند رہے۔ تاہم طوفان سے غیر متاثر سول سروس سرکاری ملازمین سے کام پر لوٹنے کی ہدایت دی گئی ہے جس سے کچھ لوگ مشتعل ہوگئے ہیں۔
