چین میں کورونا کے 28 نئے معاملے

چین میں گزشتہ 24 گھنٹوں کے دوران کورونا وائرس (کووِڈ 19)کے 28 نئے کیسز درج کئے گئے ہیں،جس میں 24 مریضوں کا تعلق چین سے ہی جبکہ چار غیر ملکی افراد اس وبأ سے متاثر ہوئے ہیں۔

چین کے قومی صحت کمیشن نے جمعرات کو بتایا کہ گھریلو سطح پر انفیکشن کے معاملوں میں 21 معاملے بیجنگ میں دو معاملے ہوبئی صوبے میں اور ایک معاملہ تیانجن میونسیپل کارپوریشن میں درج کیا گیا ہے۔

ملک میں اس انفیکشن سے بدھ کو کسی بھی مریض کی موت نہیں ہوئی ہے۔

کورونا وائرس کے عالمی مرکز چین میں اس وبأ سے اب تک 83،293 افراد متاثر ہوئے ہیں جبکہ 4،634 مریضوں کی موت واقع ہوئی ہے۔

تقریباً 144 کروڑ کی آبادی والے ملک چین میں کورونا سے متاثر 78،394 مریض صحتیاب ہوئے ہیں اور فی الحال کورونا کے 265 مریض ہی زیر علاج ہیں۔