برازیل کے صدر بھی تاج محل کے قدر دانوں میں شامل

برازیل کے صدر نے اپنے اہل خانہ سمیت آگرہ کے واقع تاج محل کا دیدار کیا اور اسے محبت کی نایاب عمارت بتایا۔ آگرہ پہنچنے پر اتر پردیش کے نائب وزیر اعلی دنیش شرما نے گرم جوشی کے ساتھ ان کا استقبال کیا۔

دنیا بھر میں محبت کی نشانی کے لیے معروف تاج محل کے قدر دانوں میں ایک نام برازیل کے صدر جیئر بولسنارو کا بھی شامل ہو گیا۔

برازیل کے صدر نے اپنے اہل خانہ سمیت آگرہ کے واقع تاج محل کا دیدار کیا اور اسے محبت کی نایاب عمارت بتایا۔ آگرہ پہنچنے پر اتر پردیش کے نائب وزیر اعلی دنیش شرما نے گرم جوشی کے ساتھ ان کا استقبال کیا۔

اس موقع پر پیر کو دوپہر دو بجے عوام کے لیے ٹکٹ کی کھڑکی بند کر دی گئی، تاکہ بھارت کے اس خاص مہمان کو وی وی آئی پی انداز میں تاج محل کا دیدار کرایا جا سکے۔ جیئر بولسنارو تقریبا 55 منٹ تک تاج محل کے اندر رہے۔

انہوں نے تاج محل کی دیدار کے ساتھ شاہجہاں اور ممتاز محل کے بارے میں بھی جانکاری حاصل کی۔ ان کے ساتھ ان کی بیٹیوں نے بھی تاج محل کا دیدار کیا۔ انہوں نے ڈائنا بینچ پر بیٹھ کر تصویر کشی کروائی اور ویڈیو گرافی بھی کی گئی۔

یہاں حفاظت کے سخت انتظامات تھے، ان کی آمد سے قبل ہی برازیل کا سکوریٹی دستہ حفاظتی پہلووں کی نگرانی کر چکا تھا۔

برازیل کے صدر کے تاج دیدار کے دوران تقریبا 2 گھنٹے ہر شخص کا داخلہ ممنوع تھا، ان کے جانے کے بعد تاج محل لوگوں کے لیے دوبارہ کھول دیا گیا۔