بنگلہ دیش میں کورونا کے ڈھائی ہزار نئے معاملے، 35 کی موت

بنگلہ دیش میں جمعہ کو ڈھائی ہزار سے زیادہ لوگوں میں کورونا انفکیشن کی تصدیق ہوئی ہے اور 35 دیگر لوگوں کی اس وائرس کے سبب موت ہوگئی ہے۔

بنگلہ دیش کی وزارت صحت کی افسر پروفیسر نسیمہ سلطانہ نے بریفنگ میں بتایا کہ گزشتہ چوبیس گھنٹوں میں 2548 نئے معاملوں کے ساتھ ہی ملک میں کورونا متاثرین کی تعداد 218658 ہوگئی اور تعداد اموات بڑھ کر 2836 ہوگئی ہے۔ اس مدت کے دوران 1768 مریض صحت مند بھی ہوئے ہیں جنہیں ملاکر اب تک 120976 لوگ کورونا سے نجات پانے میں کامیاب ہو چکے ہیں۔

بنگلہ دیش میں اس وقت کورونا وبا سے اموات کی شرح 1.30 فیصد ہے اور مریضوں کے ٹھیک ہونے کی شرح 55.33 فیصد ہے۔

عالمی وبا کورونا وائرس نے پورے عالم میں ڈیڑھ کروڑ سے زائد افراد کو اپنی لپیٹ میں لے لیا ہے جن میں اب تک 95لاکھ سے زائد افراد صحت یاب جبکہ 6لاکھ 37ہزار سے زائد افراد کی موت واقع ہو چکی ہے۔

ہندوستان میں مہلک مرض کے سبب اب تک 13لاکھ سے زائد افراد متاثر جبکہ 30ہزار سے زائد افراد فوت ہو چکے ہیں۔