جاپان میں غیر ملکیوں کے داخلے پر پابندی

جاپان کے وزیر اعظم یوشی ہائڈ سوگا نے میڈیا کو جانکاری دیتے ہوئے بتایا کہ جاپان میں غیر ملکیوں کے داخلے پر آج سے پابندی شروع ہوگی اور یہ 31 جنوری تک جاری رہے گی۔

جاپان کے وزیر اعظم یوشی ہائڈ سوگا نے کورونا وائرس وبا کے نئے اسٹرین کے پیش نظر احتیاطی اقدام کے تحت غیر ملکی شہریوں کے ملک میں داخلے پر پابندی لگا دی ہے۔

جاپان کے وزیر اعظم یوشی ہائڈ سوگا نے آج نامہ نگاروں سے کہا کہ ’یہ احتیاطی اقدامات ملک کے شہریوں کی زندگی کی حفاظت کے لیے اٹھائے گئے ہیں‘۔

انہوں نے کہا کہ داخلے پر پابندی آج سے شروع ہوگی اور 31 جنوری تک جاری رہے گی۔

مسٹر سگا نے کہا کہ نئے اسٹرین سے متاثر برطانیہ اور دیگر ملکوں سے آنے والے جاپانی شہری اور غیر ملکی لوگوں کو جاپان آنے سے پہلے 72 گھنٹے کے اندر کورونا مثبت رپورٹ دکھانی ہوگی اور انہیں جاپان پہنچنے پر ایک اور ٹیسٹ کرانا ہوگا۔

جاپان کے وزیر اعظم یوشی ہائڈ سوگا

سوگا نے عوام سے کورونا وائرس سے بچنے کے لیے ماسک پہننے اور مسلسل ہاتھ دھونے کی درخواست کی ہے۔

بتا دیں کہ جاپان میں تمام بنیادی احتیاطی اقدامات کے باوجود سوگا کی حکومت کورونا انفیکشن کو کم کرنے میں ناکام رہی ہے۔

وہیں، جاپان کے وزارت صحت نے بتایا کہ جاپان میں اب تک کورونا کے دو لاکھ 20 ہزار 236 معاملات سامنے آچکے ہیں جن میں تین ہزار 252 افراد کی اموات ہوئی ہیں۔