افغانستان میں فوج کی گاڑی پر حملہ ہوا ہے جس میں دو جوانوں کی موت ہوگئی ہے ، اس حملے کے بعد فوج مستعد ہوگئی ہے اور چپے چپے پر تلاشی مہم شروع کردی ہے۔
مقامی حکام نے بتایا کہ حملہ آوروں نے صوبہ بلخ کے دارالحکومت میں آرمی کی ایک گاڑی پر فائرنگ کی۔ حملے کے وقت گاڑی میں ڈرائیور سمیت پانچ افراد سوار تھے۔
یہ بھی پڑھیں:
انہوں نے بتایا کہ اس حملے میں دو فوجی ہلاک اور گاڑی میں بیٹھے تین دیگر افراد زخمی ہوئے ہیں۔ ابھی تک کسی نے بھی اس حملے کی ذمہ داری قبول نہیں کی ہے۔
واضح رہے کہ افغان حکومت اور طالبان کے درمیان چھ جنوری کو امن مذاکرات قطر کے دارالحکومت دوحہ میں دوبارہ شروع ہوئے تھے۔ اس سے پہلے گذشتہ برس ستمبر میں بات چیت شروع ہوئی تھی۔ اس دوران امریکہ کی جانب سے افغانستان میں تشدد پر تنقید کی گئی ہے۔