افغان سکیورٹی فورسز کی کارروائی میں نو شدت پسند ہلاک

افغانستان میں تقریبا 2 عشروں سے خون خرابہ جاری ہے۔ گذشتہ دنوں افغانستان کے دارالحکومت کابل میں ایک میٹرنٹی ہاسپٹل پر کچھ نا معلوم مسلح افراد نے حملہ کر دیا تھا، جس کی بین الاقوامی سطح پر شدید تنقید کی گئی تھی۔

افغانستان کے صوبہ پكتيا میں ہفتہ کو فوج کے ساتھ ہوئے تصادم میں نو دہشت گرد ہلاک ہو گئے جبکہ دو فوجی زخمی ہو گئے۔

فوج کی 203 تھنڈر کور کے افسر اے محمد نے بتایا کہ ضلع سید کرم میں ماچ لگوواٹر ڈیم میں واقع سکیورٹی فورسز کی چوکیوں پر شدت پسندوں نے حملہ کر دیا۔

سکیورٹی فورسز کی جوابی کارروائی کے بعد دونوں فریق کے درمیان تصادم میں نو شدت پسند ہلاک اور پانچ زخمی ہو گئے۔

انہوں نے بتایا کہ تصادم میں دو فوجی بھی زخمی ہوئے ہیں، جنہیں فوج کے اسپتال میں داخل کرایا گیا ہے۔

افغانستان میں سرگرم عسکریت پسند تنظیم طالبان نے اس حادثے پر ابھی کوئی تبصرہ نہیں کیا ہے۔

خیال رہے کہ گذشتہ دنوں افغانستان کے دارالحکومت کابل میں ایک میٹرنٹی ہاسپٹل پر کچھ نا معلوم مسلح افراد نے حملہ کر دیا تھا، جس کی بین الاقوامی سطح پر شدید تنقید کی گئی تھی۔