فضائی حملے میں22 طالبان ہلاک

اٖفغانستان کے مشرقی غزنی اور پکتیا صوبوں میں طالبان کے ٹھکانے پر فوج کے ہوائی حملے میں کم سے کم 22 طالبان ہلاک ہوگئے۔

صوبائی گورنر کے ترجمان عارف نوری نے اتوار کو بتایا کہ مشرقی غزنی صوبہ میں طالبان کے ٹھکانے پر طیارے سے کی گئی بمباری میں طالبان کے اہم کمانڈر سمیت 12 طالبان کے مارے جانے کی تصدیق ہوئی ہے۔

سرکاری ذرائع کے مطابق ملا مبارز طالبان کمانڈر تھے اور اس کے ساتھیوں کے مارے جانے سے علاقے میں مسلح طالبان کا تقریبا خاتمہ ہوجائے گا اور غزنی صوبہ میں سلامتی کی صورت حال میں بہتری آئے گی۔

پکتیا صوبائی پولس ترجمان سردار ولی تبسم نے بتایا کہ خفیہ اطلاع کی بنیاد پر گرداسر ضلع کے سرخولی میں سنیچر کو دیر رات طالبان کے ٹھکانے پر ہوائی حملے کئے گئےجس میں کم سے کم 10 طالبان مارے گئے۔ اس دوران فوج نے 10 طالبان کوبھی گرفتار کیا ہے۔

طالبان کی جانب سے ان حملوں اور گرفتار ی کے سلسلے میں فی الحال کوئی رائے زنی نہیں کی گئی ہے۔