افغان فورسز اور داعش کے مابین تصادم، 21 افراد ہلاک

یہ دھماکہ صوبے کے دارالحکومت جلال آباد میں اتوار کے اواخر میں اس وقت پیش آیا، جب ایک خود کش حملہ آور نے دھماکہ خیز مواد سے بھری گاڑی کے ساتھ جیل کے داخلی دروازے پر خود کو اڑا لیا تھا۔

افغانستان میں صوبے ننگرہار کے جلال آباد میں واقع جیل پر حملہ کرنے والے شدت پسند تنظیم 'داعش' اور افغان سکوریٹی فورسز کے درمیان تصادم میں اب تک 21 افراد ہلاک ہو چکے ہیں۔

تین اگست کی رات میں جیل پر حملہ ہوا تھا، اس حملے کی ذمہ داری داعش نے قبول کی ہے۔

ننگرہار صوبے میں حکومت کے ترجمان عطاء اللہ خوگیانی نے انٹرنیشنل نیوز چینل 'الجزیرہ' سے بات کرتے ہوئے کہا کہ ہلاک ہونے والوں میں قیدی، شہری، جیل کا گارڈ اور افغان سکوریٹی کے افراد بھی شامل ہیں۔

اس حملے میں تقریبا 43 افراد زخمی ہوئے ہیں۔ یہ حادثہ صوبے کے دارالحکومت جلال آباد میں اتوار کے اواخر میں اس وقت پیش آیا، جب ایک خود کش حملہ آور نے دھماکہ خیز مواد سے بھری گاڑی کے ساتھ جیل کے داخلی دروازے پر خود کو اڑا لیا تھا۔

اس سلسلے میں اب تک 3 عسکریت پسند ہلاک ہوئے ہیں۔

افغان عہدیداروں کے مطابق حادثے میں مزید ہلاکتیں ہو سکتی ہیں۔