امریکہ کے صدر ڈونلڈ ٹرمپ نے ڈیموکریٹس پر انتخابات چرانے کا الزام لگاتے ہوئے کہا ہے کہ ان لوگوں کی دھاندلی کے ثبوت ہیں، جسے وہ اعلیٰ عدالت میں پیش کریں گے۔
ڈونلڈ ٹرمپ نے کل دیر رات ایک پریس کانفرنس میں جس کا کئی چینلوں نے یہ اندازہ لگا کر کوریض روکا دیا کہ وہ جھوٹ بول رہے ہیں، الزام لگایا کہ انہیں دھوکہ دہی سے جیت سے روکا جا رہا ہے اور اس کے لئے الیکشن میں ملی بھگت سے دھاندلی کی گئی ہے۔
ٹرمپ نے دعویٰ کیا کہ 'مجھے پنسلوینیا میں7 لاکھ زیادہ ووٹ ملے لیکن میرے ووٹ کم کرکے صرف 90 ہزار کی برتری دکھائی گئی ہے'۔
انہوں نے دعویٰ کیا کہ 'ڈیموکریٹس چوری نہ کرتے تو میں جیت جاتا کہا کہ بہرحال ان مداخلتوں کے باوجود وہ فلوریڈا، آئیوا، انڈیانا اور اوہائیو کی اہم ریاستوں کو جیتنے میں کامیاب رہے۔ صدر کا کہنا کہ سب دیکھ رہے ہیں کہ کیا ہو رہا ہے اور ان کے پاس دھاندلی کے ثبوت ہیں جسے وہ اعلیٰ عدالت میں پیش کریں گے'۔
انہوں نے یہ امید بھی ظاہر کی کہ بڑے پیمانے پر قانونی چارہ جوئی ہو گی اور ملک کی سالمیت کو قائم رکھنے کا مقصد کامیاب ہوگا۔
ڈونلڈ ٹرمپ نے پریس کانفرنس کے اختتام پر بہر حال صحافیوں کے سوالات کا جواب دینے سے انکار کیا۔ دوسری جانب امریکی میڈیا کا کہنا ہے کہ صدر ڈونلد ٹرمپ نے دھاندلی کے کوئی ثبوت پیش نہیں کئے۔
