نیویارک کے مختلف علاقوں میں کاروبار کی شروعات

اسٹور کے صارفین خریداری کرتے وقت کافی محتاط رہتے ہیں، لیکن بہت سے لوگوں کا کہنا ہے کہ وہ کورونا کے سبب متاثر ہونے والے مقامی کاروباریوں کی مدد کرنا چاہتے ہیں۔

امریکی ریاست نیویارک کے بڑے حصے کورونا وائرس کے باوجود کھلنے لگے ہیں، لیکن ریاستی عہدیدار کاروباری اداروں کو حفاظتی منصوبے تیار کرنے پر زور دے رہے ہیں۔

نیویارک کے کھلنے والے اسٹورز میں شوہری علاقے میں واقع ایک کیفے اور ایپل بیریل کنٹری اسٹور نامی نرسری کا اسٹور بھی شامل ہے۔

جارج رینک نامی ایک کسٹمر نے بتایا کہ 'جب ہم گاڑی میں واپس آتے ہیں تو سینیٹائزر کا استعمال کرتے ہیں۔ ظاہر ہے کہ یہ چھونے والی چیزیں نہیں ہیں اور لوگوں سے دور رہنے کی کوشش کر رہے ہیں۔ میں دیکھ سکتا ہوں کہ یہ ایک مسئلہ بننے والا ہے۔ کیوں کہ آپ چھوٹی جگہ میں معاشرتی دوری کو کیسے برقرار رکھ سکتے ہیں؟'

اسٹور کے صارفین خریداری کرتے وقت کافی محتاط رہتے ہیں، لیکن بہت سے لوگوں کا کہنا ہے کہ وہ کورونا کے سبب متاثر ہونے والے مقامی کاروباریوں کی مدد کرنا چاہتے ہیں۔

ریاست کے جن مقامات پر کارباری مشاغل کی شروعات ہو رہی ہے، زیادہ تر علاقے نیویارک شہر سے گھنٹوں مسافت پر ہیں۔

فی الحال دنیا بھر میں کورونا کے سب سے زیادہ مریض امریکہ میں ہیں۔ یہاں متاثرین کی تعداد 14 لاکھ 84 ہزار 285 ہو چکی ہے۔ ان میں سے 88 ہزار 507 افراد ہلاک ہوئے ہیں۔