امریکہ کے موجودہ صدر ڈونالڈ ٹرمپ صدارتی انتخابات کے نتائج کو چیلنج کرنے کے لئے کی اہم ریاستوں میں ووٹوں کی پھر سے گنتی کے لئے ریلیاں نکالنے کا منصوبہ بنا رہے ہیں۔
امریکی نیو ز پورٹل ایکسس نے صدر کے مشیروں کے حوالے سے بتایا کہ مسٹر ٹرمپ صدارتی انتخابات میں جوبائیڈن کی متوقع جیت کے پیش نظر ریلیاں نکالنے کی تیاری میں ہیں۔
پورٹل کے مطابق ٹرمپ کا ارادہ جارجیا، ایریجونا اور پنسلوانیا میں ووٹوں کی پھر سے گنتی کے لئے خصوصی ٹیمیں قائم کرنا ہے جو ریلیوں کے دوران ایسے لوگوں کے بارے میں بتائیں گی جنہوں نے مبینہ طورپر ووٹ ڈالے لیکن اصل میں وہ مرچکے ہیں۔
خیال رہے کہ امریکی میڈیا نے بھی صدارتی انتخابات میں مردہ لوگوں کی طرف سے ووٹ ڈالے جانے کے معاملات سامنے آنے کے بارے میں بتایا تھا۔
خیال رہے کہ امریکی صدارتی انتخابات 2020کے نتائج کا ابھی سرکاری طورپر اعلان نہیں کیا گیا ہے لیکن پوری دنیا کے رہنماوں اور سیاستدانوں نے پہلے ہی جو بائیڈن کو جیت کی مبارکباد دے دی ہے۔
جو بائیڈن نے بھی گزشتہ سنیچر کو اپنی ساتھی کملا ہیرس کے ساتھ قوم کے نام خطاب میں صدر کے عہدہ کی دوڑ میں اپنی جیت کا دعوی کیا تھا۔
امریکہ کے تمام اہم میڈیا ادارے جو با ئیڈن کو پہلے ہی فتح یاب اعلان کرچکے ہیں، حالانکہ ڈونلڈ ٹرمپ نے دلیل دی کہ ابھی دوڑ ختم نہیں ہوئی ہے اور یہ الیکشن دھوکہ تھا۔ وہ جلد ہی اپنے جیت کے دعوی پر عدالت جائیں گے۔
