امریکہ میں تین نومبر کو منعقد ہونے والے صدارتی انتخابات کے ضمن میں انتخابی ہلچل اب اپنے پورے شباب پر پہنچ چکی ہے۔
آج کا صدارتی مباحثہ اوہائیو کے کلیولینڈ کی کیس ویسٹرن ریزرو یونیورسٹی میں منعقد ہوا، جس میں دونوں صدارتی امیدواروں نے بہت ہی حاضر جوابی کا مظاہرہ کیا۔ اس دوران ایک دوسرے کو نیچا اور کمتر دکھانے کی بھی خوب خوب کوششیں ہوئیں۔
امریکی صدر ٹرمپ اور ان کے حریف جوبائیڈن نے ایک دوسرے پر الزامات کی بوچھاڑ کر دی۔
جوبائیڈن نے ٹرمپ کو شٹ اپ کال دی تو ٹرمپ نے بائیڈن کو ماضی کی یاد دلا کر جھڑک دیا۔
صدارتی مباحثہ کیا ہوتا ہے ٹرمپ نے کہا کہ شاید انتخابی نتائج آنے میں کئی ماہ لگ جائیں۔
جوبائیڈن نے کہا کہ نتائج کے بعد جو ہوگا میں اس کو تسلیم کرلونگا۔ لیکن کیا وہ نتائج تسلیم کر لیں گے؟ ٹرمپ نے اس سوال کا جواب نہیں دیا۔
- ہیلتھ کیئر، کورونا وائرس اور صحت:
صدارتی مباحثہ کا طریقہ کار جوبائیڈن نے کہا کہ ہر شخص جانتا ہے کہ 'ٹرمپ جھوٹے ہیں، ٹرمپ صحت سے متعلق مسائل پر جھوٹ بولتے رہے، ٹرمپ کے پاس ہیلتھ کیئر سے متعلق کوئی پلان نہیں، ٹرمپ کو معلوم ہی نہیں ہوتا کہ وہ کیا بات کر رہے ہیں'۔
امریکی صدارتی انتخابات 2020 کے متوقع اہم موضوعات جوبائیڈن نے کورونا وائرسکی وبا سے اموات اور کیسز میں اضافے کا ذمے دار ٹرمپ کو قرار دیتے ہوئے کہا کہ 'ٹرمپ کی ناقض پالیسوں کی وجہ سے اموات اور ہلاکتوں میں بہت زیادہ اضافہ ہوا'۔
امریکی صدارتی انتخابات کی تاریخ ٹرمپ سے جب ٹیکس کی ادائیگی کے بارے میں پوچھا گیا تو انھوں نے صرف یہ کہا ہے کہ 'میں نے ہزاروں ڈالر کا ٹیکس ادا کیا ہے'۔ لیکن ٹرمپ نے یہ نہیں بتایا ہے کہ انھوں نے کس ماہ اور کتنے ڈالرز ادا کیے ہیں'۔
واضح رہے کہ نیویارک ٹائمز نے امریکی صدر ڈونلڈ ٹرمپ پر الزام عائد کیا ہے کہ ارب پتی ہونے کے باوجود انھوں نے گذشتہ 10 برسوں کے دوران کوئی ٹیکس ادا نہیں کیا۔
جو بائیڈن نے ڈونلڈ ٹرمپ کو مسخرہ، نسل پرست اور روسی صدر کی کٹھ پتلی تک کہہ ڈالا۔
امریکی صدر ٹرمپ نے بائیڈن کو ماضی کی یاد دلا کر جھڑک دیا، خبردار کیا کہ ان کے سامنے اسمارٹ کا لفظ استعمال نہ کریں۔
ٹرمپ نے کہا کہ جوبائیڈن شٹ ڈاؤن کر کے معیشت کوتباہ کر دیں گے، بائیڈن چھوٹے ایونٹس اس لیے کر رہے ہیں کیونکہ لوگ ان کے جلسوں میں آتے ہی نہیں۔
امریکی صدر نے کہا کہ کورونا وائرس کی وبا سے نمٹنے کے لیے بہترین اقدامات انہوں نے کیے، امریکی معیشت کو تاریخ کی بلند ترین سطح پر لے گئے، جب ضرورت پڑتی ہے تو ماسک پہنتے ہیں، انہوں نے ماسک نکال کر بھی دکھایا۔
- کووڈ-19 کے مریضوں کی صحیح تعداد چھپانے کا الزام
ٹرمپ نے یہ بھی کہا کہ چین، بھارت اور روس کورونا وائرس کے مریضوں کی صحیح تعدادنہیں بتا رہے، بائیڈن کو میڈیا میں بہتر جگہ ملتی ہے، مجھے نہیں ملتی، مگر مجھے پرواہ بھی نہیں۔
ڈونلڈ ٹرمپ کا مزید کہنا تھا کہ ان سے ہر امریکی مطمئن ہے، جو بائیڈن چھوٹے ایونٹس اس لیے کررہے ہیں کیونکہ لوگ ان کے جلسوں میں آتے ہی نہیں۔
- بلیک لائیو میٹرز اور تشدد:
ٹرمپ نے بائیڈن پر الزام لگایا کہ وہ سیاہ فام تحریک 'بلیک لائیو میٹرز' کی آڑ میں ملک میں تشدد کو ہوا دے رہے ہیں۔ نسلی انصاف کے نام پر سیاہ فاموں کو بری طرح ورغلا رہے ہیں۔
امریکی صدر ڈونلڈ ٹرمپ اور ڈیموکریٹک امیدوار جو بائیڈن نے پہلے صدارتی مباحثہ میں صحت، کورونا وائرس اور سپریم کورٹ کے مستقبل پر پرجوش انداز میں تبادلہ خیال کیا۔ اس دوران ماحولیاتی تبدیلی اور امریکی معیشت پر بھی مباحثہ ہوا۔
