روس نے امریکی شہریوں کو حراست میں لینے کی تصدیق کی

روس نے بحیرہ اسود کے ساحل پر آباد جنوبی شہر نوووروسسک میں کچھ امریکی شہریوں کو حراست میں لیے جانے کی تصدیق کی ہے۔

روس کے وزارت خارجہ کے اطلاعات و پریس محکمےنے اس کی تصدیق کی ہے۔

محکمے نے کہا،’’امریکی شہریوں کو حراست میں لیاگیا ہےاور ہم اس کی تصدیق کرتے ہیں۔تفصیلی اطلاع کے لیے وزارت قانون سے سوال کیا جانا چاہئے۔‘‘

سی این این نے مورمون چرچ آف جیسس کرائسٹ کے حوالے سے اپنی رپورٹ میں بتایا کہ حراست میں لیے گئے شہری چرچ کے رضاکار ہیں۔

دوسری طرف کریملن کے ترجمان دمتری پیسکوو سے بدھ کو نوووروسسک میں امریکی شہریوں کو حراست میں لئے جانے کے بارے میں پوچھے جانے پر لاعلمی ظاہر کی ہے۔