نیویارک : مرنے والوں کی تعداد چار ہزار سے تجاوز

امریکہ میں 9/11 حملے کی اموات سے بھی زیادہ اموات کورونا وائرس کی وجہ سے نیویارک میں ہو چکی ہیں۔

نیویارک سٹی میں اب کورونا وائرس سے اموات کی تعداد 4000 سے تجاوز کر گئی ہے، اس کے ساتھ ہی نیویارک میں مرنے والوں کی تعداد 9/11 حملے میں مرنے والوں سے زیادہ ہو گئی ہے، اس حملے میں تقریباً 2977 افراد ہلاک ہو گئے تھے۔

وہیں برطانیہ کے وزیراعظم بوریس جانسن کو انتہائی نگہداشت وارڈ میں منتقل کیا گیا ہے اور کہا جا رہا ہے کہ اس وائرس سے متاثر یہ پہلے بڑے عالمی رہنما ہیں۔

صحت محکمہ اورحکومت کی جانب سے نیویارک میں عوام کو اپنے گھروں میں رہنے کی ہدایات پرعمل کرنے کو کہا جا رہا ہے، وہیں چین کے شہر ووہان میں 76 دنوں کے بعد لاک ڈاؤن ہٹایا گیا ہے، اس شہر میں تقریبا ایک کروڑ دس لاکھ افراد رہائش پزیر ہیں اور اسی شہر سے ہی یہ وائرس پھیلا ہے۔

نیو یارک کے گورنر اینڈریو کومو نے کہا ہے 'نیویارک میں ایک ہی دن میں 731 اموات ہوئی ہیں، جس کے بعد پوری اسٹیٹ میں 5500 کے قریب اموات ہو چکی ہیں، نیویارک کے عوام کے لیے ایک اور درد بھرا دن'۔

اینڈریو نے کہا کے اب نیو یارک میں لوگ معاشرتی دوری پر عمل کر رہے ہیں۔

لیکن نیو یارک کے سب وے سسٹم میں ابھی بھی 6 فٹ یا پھر 2 مٹر کی دوری بنائے رکھنا مشکل ہے۔

امریکہ میں کورونا وائرس سے اب تک 13000 اموات ہو چکی ہیں جبکہ 4 لاکھ سے زائد افراد متاثر بتائے جا رہے ہیں۔