جنوبی کوریا کی حکومت نے کہا ہے کہ جن لوگوں کو کووڈ کی ایک بھی ویکسین لگ گئی ہے وہ یکم جولائی سے بغیر کسی ماسک کے باہر جاسکیں گے۔ نیوز ایجنسی یونہاپ نے بدھ کے روز یہ اطلاع دی۔
نیوز ایجنسی کے مطابق یہ اقدام ایک طرح سے لوگوں کو ٹیکہ کاری مہم میں زیادہ سے زیادہ حصہ لینے کے سلسلے میں ترغیب دینے کے لئے کیا گیا ہے۔ اس کے علاوہ ایسے لوگوں کو بھی بغیر کسی ماسک کے عبادت گاہوں کے احاطے میں جانے کی اجازت ہوگی۔
ویکسین کا پہلا ٹیکہ لگانے والے افراد کو کسی بھی موقع پر اپنے لواحقین سے ملنے کی اجازت ہوگی اور آٹھ افراد کی تعداد پر پابندی ختم کردی جائے گی، یعنی اگر لوگوں نے ویکسین کا کوئی ڈوز لیا ہے تو وہ ان کے قریب ہوں گے۔ قریبی رشتہ دار کسی بھی سماجی پروگرام میں حصہ لے سکتا ہے اور آٹھ سے زیادہ افراد اس میں شرکت کرسکیں گے۔
جنوبی کوریا میں کورونا ویکسی نیشن پروگرام فروری میں شروع ہوا تھا اور اب تک یہاں 19 لاکھ افراد کو ٹیکے لگائے جا چکے ہیں، جو کل آبادی کا صرف 3.8 فیصد ہے۔
(یو این آئی)