کولمبیا: فوجی ہیلی کاپٹر گر کر تباہ، 9 فوجی ہلاک

کولمبیا میں ایک فوجی ہیلی کاپٹر گر کر تباہ ہو گیا ہے، جس میں 9 فوجی ہلاک ہو گئے ہیں۔

کولمبیا میں ایک فوجی ہیلی کاپٹر گر کر تباہ ہونے کی وجہ سے 9 فوجی ہلاک اور چھ زخمی ہوگئے ہیں۔

کولمبیا کی فوج نے منگل کو یہ اطلاع دی۔ فوج کے مطابق اس حادثے میں شکار ہونے والے دو افراد تاحال لاپتہ ہیں۔

فوج نے بتایا کہ گر کر تباہ ہونے والے ہیلی کاپٹر یو ایچ -60 بلیک ہاک کا ملبہ جنوب مشرقی کولمبیا میں دریائے انیریڈا کے کنارے سے ملا ہے۔

فوج نے بتایا 'تباہ شدہ ہیلی کاپٹر میں فوج کے 17 ارکان سوار تھے۔'

زخمیوں کو قریبی اسپتال میں علاج کے لئے داخل کرایا گیا ہے اور ایک خصوصی امدادی ٹیم لاپتہ افراد کی تلاش کر رہی ہے۔