مائک نے امریکی نائب صدر کے عہدے کے لئے نامزدگی قبول کی

مائک پینس نے ایک کانفرنس کے دوران امریکی صدر ڈونلڈ ٹرمپ کی تعریف کرتے ہوئے کہا ہے کہ 'مجھے معلوم ہے کہ ٹرمپ کے پاس امریکہ کو ایک بار پھر عظیم ملک بنانے کے لئے قیادت اور ویژن دونوں موجود ہیں'۔

امریکہ کے موجودہ نائب صدر مائک پینس نے ملک میں آئندہ صدارتی انتخابات میں دوبارہ اسی عہدے کے لئے نامزدگی کو باضابطہ طور پر قبول کر لیا۔

پینس نے بدھ کی شب تاریخی میک ہینری قلعے سے ری پبلکن نیشنل کانفرنس سے خطاب کرتے ہوئے کہا ہے کہ 'میں امریکہ کے نائب صدر کے طور پر نامزدگی کو تہہ دل سے قبول کرتا ہوں'۔

کانفرنس کے دوران پینس نے امریکی صدر ڈونلڈ ٹرمپ کی تعریف کرتے ہوئے کہا ہے کہ 'مجھے معلوم ہے کہ ٹرمپ کے پاس امریکہ کو ایک بار پھر عظیم ملک بنانے کے لئے قیادت اور ویژن دونوں ہیں اور میں نے دیکھا ہے کہ پچھلے چار برسوں میں ٹرمپ نے ناقابل یقین حملوں کا سامنا کیا ہے لیکن امریکی عوام سے کیے گئے وعدوں کو پورا کرنے کے لئے روز پھر سے کھڑے ہوئے ہیں'۔