نائب صدر کملا ہیرس اور ایوان کی اسپیکر نینسی پیلوسی نے صدر جو بائیڈن کے کانگریس کے پہلے مشترکہ اجلاس کے دوران اسٹیج کو شیئر کرتے ہوئے تاریخ رقم کی ہے۔
یہ پہلا موقع ہے جب کانگریس سے خطاب کے دوران دو خواتین صدر کے پیچھے بیٹھی تھیں۔
ہیرس (56) امریکہ کی نائب صدر بننے والی پہلی بھارتی امریکی اور پہلی سیاہ فام خاتون بھی ہیں۔ وہ بدھ کی رات کانگریس کے مشترکہ اجلاس میں صدر بائیڈن کی پہلی تقریر کے دوران ان کے دائیں جانب بیٹھی نظر آئیں۔
اسی دوران 81 سالہ پیلوسی، جو 2007 میں ایوان کی اسپیکر بننے والی پہلی خاتون تھیں، کو صدر کے بائیں جانب بیٹھے دیکھا گیا۔
جب ہیرس سے صدر کے خطاب کے دوران صدر کے پیچھے دو خواتین کے بیٹھنے کی اہمیت کے متعلق پوچھا گیا تو انہوں نے کہا کہ یہ عام بات ہے۔
اسی وقت جب اس تاریخی لمحات کے متعلق پیلوسی کا نظریہ پوچھا گیا تو انہوں نے ایم ایس این بی سی کو بتایا کہ 'یہ وقت کی بات ہے۔'
پیلوسی نے اپنی تقریر سے کچھ دیر قبل کہا کہ 'یہ بہت حوصلہ افزا ہے۔ تاریخ رقم کرنا بہت اچھی بات ہے۔ یہ وقت کی بات ہے۔'