سانتوس لاگونا کے آٹھ کھلاڑی کورونا سے متاثر

میکسیکو میں فٹ بال شروع کرنے کی منصوبہ بندی کے درمیان فٹ بال کلب سانتوس لاگونا کے آٹھ کھلاڑی کورونا سے متاثر پائے گئے ہیں۔

میکسیکو کی سرفہرست ڈویژن کی فٹ بال لیگ لیگا کے ایم ایکس نے بیان جاری کر کے بتایا کہ اس ہفتے ان کھلاڑیوں کا ٹیسٹ کیا گیا جس کے بعد ان کا علاج شروع کیا گیا ہے، کلب نے اگرچہ کھلاڑیوں کے نام کی تصدیق نہیں کی ہے۔

میکسیکو میں کورونا وائرس کی وجہ سے فٹ بال سرگرمیاں گزشتہ 15 مارچ سے ملتوی ہیں اور فٹ بال کلب کے کھلاڑیوں کے کورونا سے متاثر ہونے کے بعد یہاں کھیل سرگرمیاں شروع ہونے پر شک پیدا ہو گیا ہے۔

لیگا کے ایم ایکس نے کلبوں سے ٹورنامنٹ شروع ہونے سے پہلے مسلسل کھلاڑیوں کے ٹیسٹ کرنے کے لئے کہا ہے۔میکسیکو میں کورونا کے اب تک 57000 کیس سامنے آئے ہیں جس میں سے چھ ہزار لوگوں کی موت ہوئی ہے۔